Stampa
Categoria principale: 11 Popolazione e Territorio
Categoria: 11.10 leggende e tradizioni
Visite: 2974
Stella inattivaStella inattivaStella inattivaStella inattivaStella inattiva
 

I sgubbati d’Atavilla

( In : De Lucia, Salvatore, Benevento nelle sue tradizioni popolari,

parte II, Benevento, 1943, pag. 16-17 )

Ce stevano na vòta a Atavilla dui scarparielli, e chisti erano sgubbati. Spisse venivano a Beneviento p'accattà spave, sòla, centrelle e fforme. Na vota uno 'e chisto che si chiamava masto Vicienzo venue a ffa sp.ese, e doppo, a doie ore, se ne steve jenne a u paese suio. Era arrivato a u stritte 'e Varve e vedeva sott'a n'arbere 'e noce ruosso ruosso tanta miliune 'e gente che magnava, veveve e ballava.

A chillo puosto pareva juorno chiaro tant' à luce che ce steve. Vidive meglio e s'accurgivo che erene tutti diavoli e streghe che facevano tanto fracasse. 'E fronne pò 'e chist'arbere erano tutti sirpienti, cuccetelle 'e piccirilli e peccerelle morte e ci stevano pure tant'aucielli fetienti. Se mettive paura e s'accucculava arreta na' supala. Diceva fra isso e isso: oggi e sabbato e aggia fatto male a veni a ch'est'ora. Mo venim'a nui. S'annascunnive cchiù sott'a supala. Ma che vulite? na diavola 'e stregha 'u vidive, ci jve vicine e 'u nmitava a ballà. Masto Vicienzo tremenne tremenne ci jve, e abballava accussì bello ca chella strega cu na sega 'e ricotta ce segava 'a sgobba e nu mannava. Arrivava a 'u paese suio ch’ era ancora notte. Tuzzulava 'a porta da' casa e s'affacciava 'a mugliera che nun 'u vuleva aprì pecchè nun teneva cchiù 'a sgobba. Tutt’ ù vicinato se susive da u lietto pe tanta jasteme che faceva mastu Vicienzo contr’a che nun 'u vuleva aprì, e ‘a canuscive ch’era isso, ma nun teneva cchiù ‘a sgobba. Isso allora raccuntava tutto a chella gente cumm era succiesso 'u fatto. Accussi 'a mugliera 'u fece trasì.

Ce steva po' chill'auto sgubbato ca se chiamava masto Aitano e che faceva pure 'u scarpariello, e vulive fa pure 'u stesso che fece masto Vicienzo.

A u sabbato appriesso venive a Beneviento, fece 'e spese. e po' a doie ora 'e notte se mettive ncammino e arrivave 'a stessa ora vicino a 'u stritto e Varve. Se mettive accustato accustato pure vicine 'a supala e gghive pure na diavola 'e streghe che u' mmitava a ballà. Mast'Aitano jve e abballava accussì malamente, ca' chella strega pigliava 'a sgobba 'e masto Vicienzo e cia' mettive nnanze.

Accussì jve a u paese cu na sgobba nnanze e nauta arrete.

Povero mast' Aitano!!!...

Benedicimo a Santu Barbato che spaccava l'arbere 'e noce e nun fece j cchiù là i diavule e chelle brutte femmene de streghe.

Si nò a chest'ora ce starria ancora...».

La regola generale della legge sul diritto d’autore stabilisce che un’opera diventa di pubblico dominio dopo 70 anni dalla morte dell’autore. E’ comunque sempre vietata la fotoriproduzione di opere di pubblico dominio per fini commerciali e di sfruttamento economico. Secondo l’art. 70 di questa legge “…il riassunto, la citazione o la riproduzione di brani o di parti di opera e la loro comunicazione al pubblico sono liberi se effettuati per uso di critica o di discussione, nei limiti giustificati da tali fini (15% di un libro o fascicolo di rivista, escluse le pagine di pubblicità) e se effettuati a fini di insegnamento o di ricerca scientifica…….” La riproduzione di questo testo non ha fini di lucro né fini commerciali e viene proposta ai lettori di altavillahistorica per il solo uso di studio personale.

 

LOGOridotto